Aruba su prome minister plenipotenciario pa Hulanda, John Merryweather a bay sosega

ORANJESTAD – Aruba su prome minister Plenipotenciario na Hulanda, John Merryweather (87) a bay sosega diamars mainta. E ta laga atras su casa Stella y yiu Michael John. Merryweather tabata yiu di un tata Britanico y mama di Aruba. El a bay scol secundario na Jamaica y Inglatera. Na Inglatera y Merca el a studia pa arkitectura di paisahe.  Enre 1961 pa 1975 e tabata hefe di e servicio di parke na DOW na Aruba y Corsou. Entre 1978 y 1984 el a traha na oficina di turismo y despues na Antillenhuis na Den Haag. Na 1983 el a bira miembro di partido PPA y despues di eleccion di eilandsraad a bira miembro di eilandsraad pa PPA. Ora cu Aruba a haya su status aparte na 1986, Merryweather a keda apunta como minister plenipotenciario pa Aruba na Hulanda, cual funcion el a ocupa hasta despues di 1987 ora cu PPA a sali for di gobierno, y AVP a keda sostene Merryweather. Merryweather a bira miembro di e partido nobo PNN na 1989. Tambe pa e asosacion di futbol na Aruba RCA, Merryweather tabata un palanca semper y semper tabata haya su reconocementonan mereci. Noticiacla.com ta desea su famia hopi forza cu perdida di nan ser keri.