IMF ta yuda Aruba mehora planificacion di presupuesto y debe publico te 2040

IMF ta yuda Aruba mehora planificacion di presupuesto y debe publico te 2040

Posted on 11/19/2026, 2:57 PM AST | Updated on 11/19/2026, 2:57 PM AST

ORANJESTAD — Aruba a ricibi asistencia tecnico di Fondo Monetario Internacional (IMF), via su centro regional CARTAC, pa fortalece planificacion financiero di Gobierno y mehora e proyeccionnan di entrada, gasto y debe publico.

Durante e bishita di 4 te 13 di november, expertonan di CARTAC a traha cu Directie Financiën, Directie Economische Zaken, Departamento di Impuesto, Aduana, Banco Central di Aruba y Colegio Aruba di Supervision Financiero (CAft).

E asistencia a concentra riba mehoracion di planificacion presupuestario multianual, incluyendo calculonan di entrada di impuesto manera BBO, winstbelasting y loonbelasting, gasto gubernamental y inversionnan publico.

Un aspecto importante ta e analisis di diferente scenario economico pa determina con cambionan den crecemento economico por afecta finansa publico. Tambe a traha riba un metodo pa proyecta debe publico di Aruba como porcentahe di Producto Interno Bruto (PIB) te 2040.

Minister di Finansa Geoffrey Wever a ricibi e resultadonan preliminario dia 12 di november y a enfatisa importancia di fortalece capacidad tecnico di departamentonan gubernamental y mehora coordinacion entre nan.

IMF–CARTAC lo entrega un informe final cu recomendacionnan concreto pa yuda Gobierno tuma decisionnan presupuestario mas fundamenta y mantene finansa publico sostenibel.