Gobierno ta destina Afl. 81 miyon pa paga debe den presupuesto adapta di 2026

Gobierno ta destina Afl. 81 miyon pa paga debe den presupuesto adapta di 2026

Posted on 11/18/2026, 10:15 AM AST | Updated on 11/18/2026, 10:16 AM AST

ORANJESTAD — Minister di Finansa, Geoffrey Wever, a informa cu Gobierno a entrega oficialmente e Prome Presupuesto Supletorio 2026 na Colegio di supervision financiero Aruba (CAft), despues cu Parlamento a aproba e cambio presupuestario.

E presupuesto adapta ta premira un surplus financiero di minimo 1% di Producto Interno Bruto (PIB), ekivalente na Afl. 81 miyon. Conforme articulo 14 di Ley di supervision financiero, e suma completo mester wordo destina pa paga debe di Pais Aruba.

Segun Wever, cu e entrega aki Gobierno AVP–FUTURO ta cumpli cu e obligacion legal stipula den articulo 11, cu ta exigi cu presupuesto aproba wordo manda na CAft pa conseho.

E minister a enfatisa cu Gobierno ta mantene su compromiso cu disciplina financiero, mientras e ta sigui cu inversionnan necesario pa desaroyo di Aruba y pa laga comunidad beneficia di crecemento economico.