131 Aruba ta celebra 27 aña cu actividad educativo pa muchanan

131 Aruba ta celebra 27 aña cu actividad educativo pa muchanan

Posted on 11/18/2026, 10:01 AM AST | Updated on 11/18/2026, 10:01 AM AST

ORANJESTAD — Den cuadro di Dia Internacional di Derecho di Mucha, cu ta celebra 20 di november, y conmemorando su 27 aniversario, 131 Aruba a organisa e actividad Play and Learn na St. Franciscus College, den colaboracion cu Hungateca y IBISA.

Durante e actividad, cu a tuma lugar diamars 17 di november, e alumnonan a siña tocante nan derechonan a traves di pintamento, hungamento, deporte y pelicula cortico. Atencion special a bay na derecho di mucha pa informacion, salud, necesidadnan basico, desaroyo di talento, descanso y recreacion.

131 Aruba ta celebra su 27 aniversario dia 20 di november. Riba e fecha aki na 1999, e servicio a ricibi su prome yamada di un mucha na Aruba buscando informacion, sosten emocional of conseho.

Cu Play and Learn, e organisacion kier fortalece conocemento di muchanan tocante nan derechonan y importancia di respeta derecho di otro. 131 Aruba a gradici su partnernan y patrocinadornan cu ta contribui na su trabao den comunidad.