Barco militar Friesland ta intercepta mas di 4.200 kilo di droga den Caribe

ORANJESTAD — Barco militar hulandes Zr.Ms. Friesland a intercepta mas di 4.200 kilo di droga den lama Caribe, durante un operacion conjunto cu Wardacosta di Caribe Hulandes y Wardacosta Mericano, diasabra 31 di october. Esaki a keda raporta awe 11 di November pa Warda Costa. 

E operacion a cuminsa ora un avion di patrulha Dash 8 di Wardacosta di Caribe Hulandes a detecta un embarcacion sospechoso. Friesland a desplega dos boto rapido di intercepcion (FRISC), cu personal militar hulandes y mericano.

E embarcacion sospechoso a ignora varios orden pa para, incluso despues di tironan di advertencia. Finalmente, personal di Wardacosta Mericano a logra aborda e boto y confisca e cargamento di droga.

Tanto e droga como e sospechosonan a wordo entrega na Wardacosta Mericano.

Desde september, Friesland ta opera como barco di estacion den Caribe, participando den operacionnan contra narcotrafico y permaneciendo disponibel pa asistencia humanitario durante desasternan natural.