Aruba ta ricibi €26 miyon di Hulanda pa parke di bateria contra interupcion di coriente

ORANJESTAD — Gobierno Hulandes a anuncia un contribucion di €26 miyon pa desaroya un parke di bateria na Aruba, cu capacidad di almacenamento di 70 megawat (MWh). E proyecto ta destina pa fortalece e stabilidad di red electrico y permiti cu parti di e isla por sigui ricibi coriente durante aproximadamente dos ora den caso di un interupcion di suministro electrico.

E inversion ta forma parti di un programa di aproximadamente €50 miyon cu Hulanda ta destina pa fortalece infrastructura electrico na Aruba y Corsou. Corsou lo ricibi €23 miyon pa amplia su capacidad di almacenamento te na 95 MWh y mehora su red electrico.

E contribucion pa Aruba ta bin for di programa SDE++ di Ministerio Hulandes di Asuntonan Economico y Clima.

Durante su bishita na Aruba, Boneiro y Corsou, Minister Hulandes Herbert a discuti tambe oportunidadnan pa diversifica economia di e islanan y reduci nan dependencia di turismo.

Gobierno Hulandes ta busca pa sostene e desaroyonan aki mediante un Economisch Groeiplatform Carib, cu lo facilita acceso na financiamento y colaboracion economico entre e islanan.