4.000 cas na Aruba ta participa den investigacion di mercado laboral

ORANJESTAD — Entre 31 october y 28 november 2026, Directie Arbeid en Onderzoek (DAO), Centraal Bureau voor de Statistiek (CBS) y Banco Central di Aruba ta realisa un investigacion di mercado laboral entre 4.000 cas na Aruba.

Durante cuatro siman, 25 encuestador lo bishita vivienda den diferente parti di e isla, entre 8’or di mainta y 8’or di anochi, pa colecta informacion tocante empleo, desempleo, nivel di enseñansa y participacion den mercado laboral.

E investigacion ta inclui tur persona di 15 aña pa ariba, incluyendo studiante y pensionado. Un tema nobo e aña aki ta balansa entre trabou, tempo liber y bida familiar.

E informacion lo wordo colecta digitalmente y procesa anonimamente. E resultadonan lo yuda Gobierno y otro sectornan pa desaroya maneho laboral.

DAO ta enfatisa cu encuestadornan mester identifica nan mes cu un badge oficial. Sin badge, residentenan no tin obligacion di duna informacion.

Pa mas informacion por yama 523-7720 of 524-7433.