16 agrupacion riba programa di Soca Prefinals di Aruba Monarch

ORANJESTAD — E preparacionnan pa Aruba Caiso & Soca Monarch ta sigui cu dos anochi di Soca Prefinals, programa pa diaranson 11 y diahuebs 12 november 2026, na Centro di Bario Brazil, na San Nicolas. E programa ta inclui 16 agrupacion, reparti den ocho presentacion pa cada anochi, cu un cantidad grandi di cantante y artista cu lo presenta nan talento musical durante e eliminatorianan.

PROMÉ ANOCHI: DIARANSON 11 NOVEMBER

E prome anochi lo habri cu Suona, cu ta presenta Krizs y Ezzzrrraa. Despues ta sigui TsuNami, cu un lista amplio di artista: Big Reckless, Easy B, Galloway, Lady La Rouge, Queen Gigi, Jr Bass y Mitch Almary.

Na di tres luga ta sigui O.R.E.O., cu Lady Eyes, The Priest, Mr Unique y Queen Sashah. Buleria lo subi escenario como di cuatro, cu Queen Chanty, Master Gusto, Queen Shine y Queen Diva.

Sunrise City Players lo presenta The Scientist na di cinco luga, sigui pa Duro, cu Gilly y Mighty Campo.

Na di shete luga ta sigui Good Times, cu Papi Jones, Mighty Jaoul, D Phantom, Mr Good Times y Chef Cook.

Hot Ones Band lo cera e prome anochi, cu Lord Lally, Queen T, The Soca Mafia y Mighty V.

DI DOS ANOCHI: DIAHUEBS 12 NOVEMBER

E di dos anochi lo cuminsa cu D'Nova, cu Ashanti, Queen Jessy, Black Queen Sha y Lamar.

Kaya ta programa como di dos, cu Claudy 2.0, Mighty Talent Jr., Ily, Joe Rock y Anamo Ra.

Chay lo sigui na di tres luga, cu Rouzzo y Jralph, mientras cu YX3M lo presenta M.I.K.E.Y., Onix y Stuwy como di cuatro.

Groove Masters lo ocupa e di cinco posicion cu Diamond Chip, Magy, Buddy, Johnny Bee, Blacky y Tiptoe.

Zeta Band, cu Tattoo, ta programa como di seis, sigui pa Shine Music, cu Bens, J-Rich, Sidsim y Veloz.

E agrupacion 'N Fuzion lo cera e di dos anochi di Soca Prefinals, cu The Commissioner, Aimee, Lyrod y Suhcy.

ENTRADA Y INFORMACION GENERAL

E dos anochi di Soca Prefinals lo tuma luga na Centro di Bario Brazil. E prijs di entrada ta Afl. 25 pa un anochi, mientras cu publico cu desea asisti ambos anochi por cumpra un pase especial di dos dia pa Afl. 40, disponibel exclusivamente via Pay.aw. Ticket tambe ta disponibel na entrada di evento. E actividad ta forma parti di e programa di Aruba Caiso & Soca Monarch y ta reuni agrupacionnan y artistanan local den e competencia musical di soca. Cu ocho agrupacion programa pa cada anochi, publico lo tin oportunidad di disfruta un variedad grandi di presentacionnan y sigui e participantenan den nan trayectoria pa e proximo fase di e competencia.