Gabinete Jetten ta suavisa plan pa 2027 pa busca sosten di oposicion

DEN HAAG — E gabinete minoritario di premier Rob Jetten ta suavisa varios di su plannan mas controversial pa 2027, cu meta di aumenta e posibilidad di haya sosten di partidonan di oposicion den Parlamento Hulandes.

Segun documentonan di Prinsjesdag cu NRC a haya acceso na dje, e inversion grandi den Defensa di €19,3 mil miyon durante e proximo añanan ta keda intacto. Pero varios medida pa paga e aumento ey ta wordo posponi of modifica.

Gobierno a dicidi no acelera aumento di edad di AOW y a posponi varios reduccion den prestacionnan social pa un aña. Tambe e impacto di e llamado “vrijheidsbijdrage”, un aumento di belasting pa financia Defensa, ta wordo suavisa door di aumenta un descuento fiscal pa trahadornan.

Apesar di e ahuste, poder adkisitivo promedio di casnan Hulandes ta wordo calcula cu ta baha cu aproximadamente 0,1 porciento na 2027, compara cu un reduccion anterior calcula na 0,3 porciento.

E deficit presupuestario ta keda net bou di e limite Europeo di 3 porciento, na 2,9 porciento di producto interno bruto. Pa logra esaki, Gobierno ta planea otro medida, entre nan mas reduccion den aparato publico, aumento di algun belasting y menos descuento fiscal pa hende grandi.

E cambio di rumbo tin un razon principalmente politico. Como gabinete minoritario, Gobierno Jetten no tin suficiente voto pa aproba su plannan sin sosten di oposicion. Intentonan anterior pa negocia a fracasa, inclusive despues di un conflicto interno den coalicion na augustus.

Minister di Finansa Eelco Heinen ta describi e presupuesto como un “prome paso” pa yega na acuerdo mas amplio cu oposicion, sindicato y patronal.

Gobierno tambe a inclui algun deseo di partidonan di oposicion den e presupuesto, sperando cu esaki lo facilita sosten durante e debatenan parlementario.

Pero oposicion ainda ta critico. Diferente partido ta considera e presupuesto  solamente como punto di salida pa negociacion nobo.

E proximo simannan lo mustra si e strategia di pospone, suavisa y concede algun punto lo ta suficiente pa e gabinete minoritario Jetten mantene sosten pa su presupuesto di 2027.