Banco Central ta mantene reserva obligatorio di banconan na 12,5%

ORANJESTAD - Banco Central di Aruba (BCA) a dicidi pa mantene e reserva obligatorio di banconan comercial na 12,5%, vigente desde 1 di juli 2026. E decision a wordo tuma durante reunion di Comite di Maneho Monetario dia 15 di juni.

Segun BCA, reservanan di divisa di Aruba ta permanece ampliamente riba e normanan necesario y expectativa ta cu nan lo keda adecuado durante 2026.

Inflacion tambe ta relativamente abou. Na april 2026, inflacion compara cu e mesun luna di un aña prome tabata 0,8%, mientras promedio anual tabata 0,2%.

Sinembargo, BCA ta adverti cu incertidumbre economico mundial y tensionnan geopolitico por afecta tanto reservanan di divisa como inflacion.

Banco Central ta sigui monitoria e economia y lo adapta su maneho monetario si ta necesario pa proteha e tasa fiho entre florin Arubiano y dollar Mericano.