Forum nobo ta presenta plan pa futuro di San Nicolas

ORANJESTAD – San Nicolas lo ta anfitrion di e prome "Forum on the Future of San Nicolas" durante 11, 12 y 13 di augustus, un iniciativa di Suzette Dumfries cu ta reuni Gobierno, sector priva, inversionistanan, organisacionnan civil y comunidad pa presenta un vision y plan integral pa desaroyo di San Nicolas.

Segun Dumfries, e foro ta basa riba cinco aña di investigacion independiente tocante e situacion economico, social, cultural y institucional di San Nicolas. E meta ta presenta un plan concreto y un structura pa implementacion, y no solamente discuti revitalisacion.

Durante e prome fase, Dumfries lo comparti e resultadonan di su investigacion, mientras cu un di dos fase, programa pa 20, 21 y 22 di augustus, lo presenta un Plan Regional Integral cu direccion pa economia, vivienda, cultura, seguridad, inversion y desaroyo social.

Participacion ta gratis, pero registracion ta obligatorio.