Aruba ta beneficia di expansion di Wingo

ORANJESTAD – Aerolinea di baho costo Wingo a transporta mas cu 1,8 miyon pasahero durante e prome seis luna di 2026, un aumento di 12% compara cu e mes periodo di aña pasa. E crecimiento aki a wordo impulsa door di expansion di su red di rutanan y lansa  conexionnan nobo den Colombia y den Caribe.

Pa Aruba, e noticia tin importancia special paso cu Wingo a sigui amplia su presencia riba e isla. Durante e prome mitar di 2026, e compania a habri rutanan nobo entre Barranquilla-Aruba y Bucaramanga-Aruba, fortaleciendo conectividad directo entre Colombia y Aruba y creando mas opcion di biahe pa turista y residente.

Segun Wingo, durante e periodo aki e compania a opera cerca di 12.000 buelo. Di e total di pasaheronan, 1,3 miyon a bula den Colombia, mientras casi 500.000 a uza e red internacional, cu tambe a expande pa Jamaica, Guatemala y Venezuela.

Wingo a indica cu Aruba ta forma parti di su strategia di crecemento regional. Cu e rutanan nobo for di Barranquilla y Bucaramanga, e compania ta spera di sigui aumenta e conectividad cu e isla y ofrece mas opcion di buelo na prijsnan competitivo.

Pa e resto di 2026, Wingo ta proyecta supera 4,2 miyon pasahero, mientras e compania ta sigui inverti den rutanan nobo y fortificacion di conexionnan regional.