Linear Park ta haya outdoor gym renoba

ORANJESTAD – E area di ehercicio na Linear Park a haya un renovacion completo cu mantenimiento di tres mashin existente y instalacion di cuater mashin nobo, ampliando e facilidad pa actividad fisico den un espacio publico.

E mehoracionnan a wordo realisa despues cu usuario y residente di e area a expresa cu e ekipo tabata den mal estado y tabata necesita renovacion. E mashinnan nobo ta inclui ekipo pa entrenamiento cu peso, dunando mas opcion pa hende cu kier mantene un estilo di bida activo.

Cu e renovacion aki, Linear Park awo ta conta cu un outdoor gym moderno y funcional, cu ta busca promove salud, bienestar y uso di espacionan publico pa ehercicio. E proyecto ta apunta na crea un ambiente mas accesibel pa comunidad y bishitantenan pa haci actividad fisico y disfruta di un bida mas saludabel.