Greta Van Susteren: Error di FBI a permiti Joran vd Sloot mata atrobe

BIRMINGHAM/ARUBA – Periodista y abogado mericano Greta Van Susteren ta afirma cu un operacion di FBI na 2010 contra Joran van der Sloot a wordo mal maneha, loke a permiti esaki laga Aruba cu USD 25.000 y, dos siman despues, asesina Stephany Flores na Peru.

Segun Van Susteren, durante un operacion secreto na Aruba, Van der Sloot a confesa cu e tabata responsable pa morto di Natalee Holloway y a ricibi e pago inicial den un eskema di chantahe contra su mama, Beth Holloway. Apesar di e confesion y evidencia graba na video, e no a wordo deteni.

Van Susteren ta bisa cu autoridadnan Mericano por a acusa y pidi detencion di Van der Sloot inmediatamente pa fraude y chantahe, pero esaki no a sosode. E  ta sostene cu e falta di accion a permiti Van der Sloot bula pa Peru, unda el a mata Stephany Flores riba e mesun fecha cu cinco aña despues di desaparicion di Natalee Holloway.

Joran van der Sloot actualmente ta cumpliendo un condena di 28 aña na Peru pa asesinato di Stephany Flores y tambe a ricibi un condena di 20 aña na Estados Unidos pa chantahe y fraude contra Beth Holloway.