FIFA ta cuminsa investigacion contra federacion di futbol di Argentina y varios hungador

ZURICH – FIFA a habri un proceso disciplinario contra e federacion di futbol di Argentina y e hungadornan Leandro Paredes, Nahuel Molina, Thiago Almada y miembro di cuerpo tecnico Roberto Ayala pa presunto mal comportamiento durante Mundial 2026.

E investigacion ta enfoca riba conducta antideportivo, posibel violencia fisico, slogan y expresionnan discriminatorio, incumplimento di protocolnan di seguridad y otro incidente durante diferente wega di e torneo.

Un di e incidente principal tabata despues di semifinal contra Inglaterra, ora hungadornan di Argentina a mustra un pancarta cu e mensahe cu Islanan Malvinas ta pertenece na Argentina, loke a provoca reaccion di Reino Uni cu a pidi un investigacion.

Despues di final, gana pa Spaña, Paredes tabata den medio di un confrontacion cu Eric Garcia y Gavi. FIFA lo determina si lo sigui cu sancionnan contra e involucradonan.