Merca y Iran ta intensifica conflicto

WASHINGTON/TEHERAN – Merca y Iran a sigui atakando otro durante e di nuebe anochi consecutivo, aumentando e tension den Medio Oriente. Merca a ataka diferente objetivo militar na Iran, mientras cu Iran a lansa atakenan contra Bahrein y tambe actividad militar a wordo reporta na Koeweit.

Presidente Donald Trump a confirma cu e atakenan tabata como reaccion riba e morto di varios soldado americano den Irak y Jordania. Iran, pa su banda, a informa cu decenanan di persona a perde nan bida y centenares a keda herida durante e ultimo bombardeonan.

E conflicto ta pone e acuerdo preliminar pa negocia un fin di guerra cada biaha mas leu, aunke Washington ta bisa cu ainda tin apertura pa dialogo si Iran ta dispuesto pa negocia seriamente.

Mientrastanto, e situacion ta sigui afectando e mercado mundial. E prijs di petroleo Brent a subi pasa 90 dolar pa barril, e nivel mas halto desde principio di juni, mientras cu e Straat di Hormuz ta sigui practicamente sera, afectando transporte mundial di petroleo.