Burnham ta huramenta como prome minister di Reino Uni

LONDEN – Andy Burnham a huramenta oficialmente como e nobo Prome Minister di Reino Uni despues cu Rey Charles a pidié pa forma un gobierno nobo. Keir Starmer, kende a lidera e pais pa poco mas di dos aña, a presenta su renuncia y a desea Burnham hopi exito.

Burnham, di 56 aña y ex-burgemeester di Manchester, a declara cu cuido pa hende lo ta e centro di su gobierno y cu e kier recupera confianza y speransa den Reino Uni. Conoci pa su estilo informal y comunicacion directo, e ta e prome prome minister for di nort di Inglaterra desde e añanan 1950.

Durante su tempo como burgemeester, Burnham a impulsa inversion den transporte publico, infraestructura y vivienda, transformando Manchester den un di e economianan cu ta creciendo mas rapido den e pais. Awor e kier amplia e modelo aki na nivel nacional, cu mas poder pa gobiernonan local, mas vivienda, mehor cuido social y inversion den servicio publico.

Criticonan, sinembargo, ta cuestionando con lo e financia su planonan y ta señalando su falta di experiencia den politica exterior. Ademas, gobierno di Burnham lo enfrenta fuerte presion politico di Reform, e partido lidera pa Nigel Farage.