Reinoud den Haan nombra como fiscal mayor nobo di Aruba

ORANJESTAD - Reinoud H. den Haan a asumi e cargo di fiscal mayor nobo di Aruba riba prome di juli 2026. El a wordo proponi pa minister di Husticia Arthur Dowers, y siguientemente nombra pa Conseho di Minister pa un periodo di 4 aña.

Señor Den Haan (51 aña) ta bin di Ministerio Publico na Hulanda. Como fiscal, el a adkiri experiencia amplio na varios di e fiscalianan na Hulanda y recientemente, di 2019 te 2022, el a sirbi como Abogado-General na Philipsburg, St. Maarten. El a ocupa diferente funcion di liderazgo na nivel senior den Ministerio Publico na Hulanda.

Cu su experiencia y profesionalismo, e lo dedica e añanan venidero na sigui fortalece Ministerio Publico di Aruba.