Gobernadornan di Aruba, Corsou y Sint Maarten a reuni pa papia riba impacto di temblornan na Venezuela

DEN HAAG  – Gobernador di Aruba, Su Excelencia Alfonso Boekhoudt, a participa den e prome reunion oficial di e Gobernadornan di Aruba, Corsou y Sint Maarten, hunto cu e Secretario di Estado pa Relacionnan den Reino Hulandes Eric van der Burg. E reunion ta forma parti di un consulta formal cu ta tuma luga dos biaha pa aña pa intercambia punto di bista riba desaroyonan den e diferente paisnan di Reino Hulandes.

TEMBLORNAN NA VENEZUELA 

Segun Gobernador Boekhoudt, e reunion a enfoca, entre otro tema importante, riba e situacion actual den e islanan y e impacto cu e reciente temblornan na Venezuela a tin riba e islanan ABC. E consulta ta brinda e oportunidad pa e Gobernadornan y Reino Hulandes coordina informacion y discuti asunto di interes comun, incluyendo preparacion pa situacion di emergencia y cooperacion den Reino. Gobernador Boekhoudt a indica cu e reunion ta contribui na un mihor coordinacion entre e paisnan di Reino Hulandes den momentonan cu region enfrenta desaroyonan cu por afecta seguridad, economia y bienestar di comunidad.