Gobernador Boekhoudt a asisti na despedida oficial di Vicepresidente di Raad van State

DEN HAAG – Gobernador di Aruba, Su Exelencia Alfonso Boekhoudt, a participa den un sesion ceremonial special di Raad van State na Hulanda pa marca e despedida oficial di Vicepresidente Thom de Graaf. E ceremonia a tuma luga den presencia di Rei Willem-Alexander, Reina Maxima y Princesa di Oranje, Amalia.

Segun Gobernador Boekhoudt, tabata un honor pa participa den e ocasion especial aki hunto cu Prome Minister Jetten, e Gobernadornan di Corsou y Sint Maarten, y e presidentenan di Eerste Kamer y Tweede Kamer.

Boekhoudt a destaca cu reunionnan manera esaki ta confirma e importancia di e institucionnan constitucional den Reino Hulandes y e balor di servicio publico. El a expresa su aprecio pa e trayecto largo di servicio di Thom de Graaf y a desea e hopi exito den su futuro.

E ceremonia a reuni diferente autoridadnan halto di Reino Hulandes pa honra e contribucion di De Graaf, kende durante hopi aña a desempeña un rol importante den Raad van State y den fortalecemento di e gobernacion constitucional di Reino.