DVG ta yama comunidad pa ta prepara: Calamidad no ta avisa

ORANJESTAD  – Directie Volksgezondheid (DVG) ta recuerda comunidad cu calamidadnan natural por sosode sin aviso. E fuerte temblornan cu a sacudi Venezuela ayera ta un recordatorio cu preparacion y informacion ta esencial pa proteha bo mes y bo famia. Afortunadamente, Aruba no a sufri daño ni consecuencia directo di e evento, pero DVG ta invita tur residente pa pregunta nan mes: “Mi ta suficientemente prepara pa sa kiko pa haci si un calamidad afecta Aruba?” Pa yuda comunidad prepara miho, DVG tin un seccion special riba su website cu yama “Calamidad”, unda por haya informacion practico y consehonan tocante diferente situacion di emergencia.

Entre e temanan cu ta trata tin:

Temblor di tera

Tsunami

Horcan

Candela den cas

Enfermedadnan infeccioso

Con prepara un emergency kit

Numbernan di emergencia y otro informacion importante

DVG ta encurasha tur ciudadano pa bishita www.dvg.aw y lesa e informacion disponibel. Segun DVG, preparacion ta cuminsa cu conocimiento.

Calamidad no ta avisa. Informa nos ta miho prepara.

Bo Salud, Nos Prioridad

Pa mas informacion, sigui Directie Volksgezondheid DVG Aruba riba Facebook, directie_volksgezondheid_aruba riba Instagram, e WhatsApp Channel di DVG, Aruba Health App, bishita www.dvg.aw, yama 522-4200 of manda un e-mail na servicio@dvg.aw.