TUI ta amplia cantidad di buelonan pa e islanan ABC pa satisface demanda record

AMSTERDAM - TUI lo amplia   su cantidad di buelonan pa Caribe for di e proximo temporada di winter significativamente. For di e periodo ey, e compañia lo agrega dos buelo extra pa siman na Corsou, elevando e cantidad total di buelonan pa Aruba, Boneiru y Corsou na 16 pa siman. Segun TUI, e expansion ta necesario debido na e enorme demanda pa vacacion pa e islanan ABC. Durante e ultimo lunanan di primavera, tur avion cu a bula pa Aruba, Boneiru y Corsou tabata completamente yen, cu un ocupacion di 100 por ciento te e ultimo stoel. Actualmente e islanan ABC ta entre e destinacionnan di solo mas popular pa bishitantenan hulandes. Luc Lentjes, Director Comercial di TUI Hulanda y Belgica, a indica cu cada biaha mas hende ta  scoge Caribe como destino di vacacion. “Durante e lunanan di primavera, TUI a registra un ocupacion di 100 porciento riba tur buelonan pa Aruba, Boneiru y Corsou. Actualmente nos ta opera 14 buelo pa siman y esey lo aumenta na 16 durante e proximo temporada di winter,” Lentjes a splica.

MAS BUELONAN DIRECTO

Pa atende e demanda creciente, TUI ya ta ofrece mas opcionnan di buelo directo durante e temporada di zomer. Actualmente e compañia ta bula cinco biaha pa siman pa Boneiru y dos biaha pa siman pa Aruba. Pasaheronan por escoge pa bula directo tanto na e trayecto di ida como na e trayecto di regreso, sin escala, algo cu segun TUI ta wordo hopi solicita pa viajadornan.

RESORT NOBO DI CINCO ESTRELLA NA CORSOU

Ademas di amplia su capacidad aerea, TUI tambe ta inverti den mas acomodacionnan turistico den Caribe. Un di e proyecto mas importante ta e nobo resort TUI Blue Corsou, un resort di luho all-inclusive di cinco  streya cu lo habri su portanan durante e otoño na Corsou. Cu e ampliacion di buelonan y capacidad hotelero, TUI ta busca atende e creciente interes di turista hulandes pa e islanan ABC y sigui fortalece posicion di Caribe como un di e destinacionnan di vacacion mas popular den Reino Hulandes.