Hulanda ta laga victoria scapa den ultimo minuut contra Hapon na Mundial

DALLAS – Hulanda a cuminsa su campaña den Mundial FIFA 2026 cu un empate amargo di 2-2 contra Hapon. Hulanda tabata na caminda pa cuminsa cu tres punto despues di un gol spectacular di Crysencio Summerville, pero Hapon a logra empata na minuut 89 dank na Daichi Kamada.

E partido a keda sin gol den prome mitar, apesar cu Donyell Malen a crea varios oportunidadnan peligroso. Hulanda tabatin mas posesion di bal, pero a haya dificil pa kibra e defensa disciplina di Japon.

Poco despues di descanso, capitan Virgil van Dijk a habri e score cu un cabezaso fuerte tras un centro perfecto di Ryan Gravenberch, poniendo Oranje dilanti 1-0.

E alegria no a dura mucho. Solamente siete minuut despues, Keito Nakamura a empata pa Japon cu un disparo cu a cambia direccion y a pasa portero Bart Verbruggen.

Na minuut 65, Summerville a mustra su clase cu un remate curva spectacular cu su pia robes, poniendo Hulanda bek den bentaha cu 2-1. Tabata su prome gol cu Oranje.

Despues di e gol, entrenador Ronald Koeman a haci varios cambio, incluyendo entrada di Memphis Depay, Teun Koopmeiners y Quinten Timber, cu meta di mantene e bentaha te final.

Sinembargo, Hulanda a bai demasiado atras den e fase final di e partido. Un minuut prome cu tempo regular a caba, Koki Ogawa a cabesea e bal cu a toca Daichi Kamada prome di caba tras di Verbruggen pa e empate final di 2-2.

Cu e resultado aki, Hulanda y Japon ta comparti un punto cada uno den Grupo F. Oranje lo mester busca un resultado mihor den su siguiente partido pa mantene su aspiracionnan den Mundial 2026.