Porta pa Harmonia ta mantene cultura Arubiano bibo cu musica di Dera Gay

ORANJESTAD - Porta pa Harmonia, iniciativa di Prome Minister Mike Eman, ta sigui impulsando talento hubenil mientras cu ta fortalece herencia cultural di Aruba. Durante luna di juni, dedica na celebracion di Dera Gay, alumnonan ta siña toca ritmo tradicional y participa activamente den presentacionnan cultural.

Docentenan manera Vio Wester, Tico Kelly y Marciano Godette a destaca entusiasmo di e muchanan y importancia di musica y percusion den desaroyo di disciplina, coordinacion y expresion artistico. Scol Amplio Nos Cosecha tambe a enfatisa cu cultura y arte ta esencial pa desaroyo integral di mucha.

Studiantenan a comparti nan orguyo y emocion pa conecta cu tradicion Arubiano, mientras cu Porta pa Harmonia ta confirma su mision di forma un generacion nobo cu ta consciente y orguyoso di su identidad cultural.