Aruba Lions Club ta celebra exito di di dos Feria di Salud na San Nicolas

ORANJESTAD – Aruba Lions Club a expresa su gratitud despues di exito di di dos edicion di Feria di Salud organiza na Colegio San Augustin na San Nicolas. Mas cu 130 persona a participa durante e mainta di salud, unda tur servicio a wordo ofrece completamente gratis.

Diferente organisacion y profesionalnan a colabora durante e actividad, incluyendo Xavier University School of Medicine, Aruba Vision Center, Fundacion Smile Mobile, Fundacion ABO, Mary Joan Foundation, FEPOH y QUOTA. Durante e feria, bishitantenan a ricibi controlnan medico manera sucu, cholesterol, presion, examen di pechonan, control di oido y informacion tocante uso correcto di remedi.

Aruba Lions Club a gradici tambe voluntarionan, medio di comunicacion y tur colaboradornan cu a contribui na exito di e evento. Club ta invita comunidad pa keda pendiente pa e siguiente Health Fair, programa pa 13 di juni.