Tres organizacion di Aruba den careda pa Appeltje van Oranje

ORANJESTAD  – Tres organizacion social di Aruba ta entre e diez candidato di Caribe Hulandes cu tin oportunidad pa gana un prestigioso Appeltje van Oranje di Oranje Fonds. Publico por vota te cu 27 di mei pa yuda determina ken lo pasa pa ronda final.

E premio anual ta reconoci organisacionnan cu ta haci un diferencia den comunidad y este aña e tema principal ta “combati pobreza.” E ganadornan final lo ricibi un premio di 25.000 euro y un estatua di brons diseña door di Prinses Beatrix. Reina Máxima lo entrega e premionan na oktober na Paleis Noordeinde na Hulanda.

Entre e candidato di Aruba tin:

Fundacion ADRA Aruba, cu ta brinda apoyo na mama hobennan pa yuda nan sali for di pobreza y construi un mihor futuro pa nan y nan muchanan.

Stichting Trampolin pa Trabao, cu ta enfoca riba guia y oportunidad laboral pa personanan cu tin dificultad pa drenta mercado di trabou.

Fundacion Pa Nos Comunidad, un organizacion cu ta ofrece apoyo social y ayuda na famianan vulnerabel den comunidad.

 Na total, 50 iniciativa social den henter Reino Hulandes ta participa den e competencia. E organizacion cu haya mas votonan online automaticamente lo pasa pa ronda final, mientras cu un hurado lo scoge e otro nominadonan durante un “pitchdag” na juni.