Examen practico pa rijbewijs ta muda pa Dominicanessenstraat entrante dialuna

SANTA CRUZ – Korps Politie Aruba a anuncia un cambio importante pa tur persona cu ta haci examen pa rijbewijs. Cuminsando dialuna 18 di mei 2026, tur examen practico cu anteriormente tabata tuma lugar na Bureau Examen Rijbewijzen na Santa Cruz, lo muda pa edificio situa na Dominicanessenstraat 33, e antiguo edificio di “doc opleiding”. 

Segun e comunicado oficial, e cambio tin como meta brinda un mihor servicio y centralisa tur proceso administrativo di departamento di rijbewijs “BER” bou di un solo dak.

Esaki kiermen cu no solamente examen practico, pero tambe otro servicio manera examen di teoria, pago y diferente tramite relaciona cu rijbewijs, lo tuma lugar na e oficina nobo na Dominicanessenstraat.

Polis a pidi comunidad pa tuma bon nota di e cambio pa evita inconveniencia ora nan tin cita of examen despues di 18 di mei.