- Partido MEP kier ruenion cu minister Wever relaciona cu guera na Medio Oriente
- Un dia despues di a huramenta na Aruba, minister Mildred Schwengle a yega Hulanda
- ANALISIS: 40 aña despues: Status Aparte ainda ta un campo di bataya politico
- Presidente di CAFT ta invitado den programa Noticiacla LIVE awe nochi
- Parlamentonan di islanan CAS ta lanta comite riba conflicto den Reino hulandes
IATA: Tin mas demanda pa buelo, y prijsnan di pasashi ta bahando
WASHINGTON - E demanda mundial pa pasashi di buelo a crece cu 3,8 porshento na januari 2026 compara cu un aña pasa. Esey ta sali for di datonan nobo di asociasion di International Air Transport Association (IATA). E capacidad a aumenta cu 3,5 porshento, mientras cu e grado di ocupacion a yega na 82,0 porshento, un record pa e luna di januari. E demanda pa destinacionnan internacional a crece cu 5,9 porshento, cu un aumento di capacidad di 5,8 porshento. E grado di ocupacion a yega 82,5 porshento. Riba mercado domestico, e crecemento a keda limita na 0,1 porshento, mientras cu capacidad a baha cu 0,4 porshento. E grado di ocupacion a subi na 81,2 porshento. Segun IATA, e comparacion cu januari 2025 ta un poco distorciona pasobra Aña Nobo Chino a cay den februari e aña aki, mientras cu e aña pasa el a cay na januari. E periodo di fiesta normal ta causa un pico extra den demanda. Loke a salta na bista ta cu e crecemento na Europa (+6,4 porshento) tabata mas fuerte cu na Merca (+3,4 porshento).
INCERTIDUMBRE
Segun director di IATA, Willie Walsh, e fundamentonan pa mas crecemento den 2026 ta keda solido. Horarionan di buelo ta mustra cu capacidad lo crece cu 5,2 porshento pa luna di maart, e expansion mas fuerte desde april 2024. Mes tempo, e ta advirti pa incertidumbre tocante desaroyo di trafico i costo di combustible pa motibo di tension geopolitico reciente.
PRIJSNAN BAHA
Walsh ta spera cu tarifa di buelo lo baha mas den 2026, apesar di continuo aumento di costo pa heffing di infrastructura, regla mas estricto y transicion energetico. Notable ta, segun el, cu 2025 tabata e aña cu e menor cantidad di companianan aerea nobo desde 1999. Gobiernonan cu ta balora competencia mester mira critico na costo y presion regulatorio, asina e director di IATA ta bisa.
VIDEO: Ronella Croes (ATA) na ITB Berlin: Con Aruba ta haya balansa entre crecemento turistico y medio ambiente
ORANJESTAD – Durante e bolsa di balor turistico ITB na Berlin e siman aki, e medio britanico Breaking Travel News durante un entrevista, a puntra e CEO di Aruba Tourism Authority Ronella Croes, entre otro, con e ta haya e balansa entre crecemento turistico di Aruba y proteccion di medio ambiente.
Red internacional di trafico di droga desmantela door Ecuador, Merca, Hulanda y Belgica
AMSTERDAM - Un operacion grandi contra un red internacional di trafico di droga cu tabata liga na e cartel ecuatoriano Los Lobos, a resulta den dieseis arresto na Hulanda, Belgica y Ecuador despues di varios buskeda den cas. Asina Europol a comunica. E operacion a wordo lidera door Ecuador y Merca, cu apoyo di Europol y autoridadnan di Hulanda y Belgica. Los Lobos ta un di e cartelnan di droga mas grandi na Ecuador y ta involucra den contrabando di cocaina bay pa Merca y Europa. Durante e buskedanan, autoridadnan a arresta tambe un lider importante di e cartel. Ademas, durante e operacion a confisca cuater arma di man, dos rifle, diesiete vehiculo y un suma di mas o menos 685.000 euro. Cuatro sospechoso mas lo wordo yama mas dilanti pa interrogatorio, segun Europol.
Cada vez mas paisnan involucra den guerra: ‘Autocontrol awor ta hopi importante’
DEN HAAG - Durante e ultimo tres dianan, mas pais, uno tras otro a bira involucra den e nobo guerra den Medio Oriente, no solamente den region di Golfo, pero tambe na Europa. E pregunta ta te unda ta inevitabel cu nan lo wordo hala aden den e conflicto aki. Profesor di estudio di guerra, Frans Osinga, no ta spera cu e paisnan di Golfo lo hunta activamente cu Merca. “Merca no tin mester di esey i lo solamente haci coordinacion mas dificil, pero nan ya ta involucra pasobra e franja di Hormuz ta wordo amenaza, mescos cu diferente ciudadnan. Tambe lo tin ciudadano cu lo perde nan bida.”
Avionnan militar di Merca a wordo alcanza pa sistema antiaereo di Kuwait
WASHINGTON - Ehercito di Merca a informa cu tres avionnan di combate a cai riba aire di Kuwait. E avionnan tabata bulando awe mainta riba territorio di Kuwait ora nan a wordo alcanza pa fuego propio. Segun ehercito, nan a wordo “tira abou accidentalmente” pa e sistema antiaereo di Kuwait.
Israel y Merca ta ehecuta atakenan riba Iran
WASHINGTON - Israel y Merca a ehecuta hunto atakenan riba Iran diasabra mainta ora di Iran. Tin explosion den capital Teheran y nubia di huma denso ta cubri e ciudad. Israel ta bisa cu ta trata di un “atake preventivo”. Na cuminsamento a tende tres explosion, pero awor tin mas reporta.
Cuba: cuatro tripulante di speedboat Mericano a wordo mata, ‘nan kier tabata crea terror’
MIAMI - Autoridadnan Cubano ta bisa cu guardacostanan a mata cuatro tripulante di un lancha Mericano. Seis otro tripulante lo tabata herida. Segun Cuba, e speedboat a drenta awa territorial Cubano for di Merca. Autoridadnan ta bisa cu tripulantenan di e embarcacion Mericano a habri candela prome, despues guardacostanan a tira bek. E capitan Cubano di e barco di guardacosta tambe lo tabata herida. Segun medio estatal Cubano, e dies personanan na bordo tabata Cubano cu ta biba na Merca y cu “tabata purba infiltra e isla pa crea terror”. Gobierno Cubano ta afirma cu nan tabatin fusilnan, pistolan y molotovcocktail hunto cu chaleco antibala. E seis heridonan riba e lancha for di Florida, segun Cuba, a wordo hiba hospital. Ademas un persona na Cuba a wordo detene den relacion cu e incidente, medio estatal ta reporta.
Follow NoticiaCla
