- Departamento di Relacionnan Exterior ta adverti pa no biaha of nabega pa Venezuela
- Corsou a keda selecta den grupo E, cu Alemania, Ecuador y Costa di Marfil pa mundial 2026
- Debi na crisis den region, prome minister di Corsou, Pisas tambe a cancela biahe pa Hulanda
- Sorteo mundial di futbol: Hulanda contra Japon, Tunez y un otro campion di play-off cu ainda no ta conoci
- Corte a dicidi: Dos ‘spiritonan’ den caso Flamingo mester paga placa bek
Corsou a ‘crush’ Bermuda 7-0 y ta un wega leu di bay Mundial Futbol 2026
DEVONSHIRE, — E Ronda Final di e Clasificadornan di Concacaf pa Copa Mundial FIFA 2026 a sigui diahuebs ora cu Corsou a logra un victoria di 7-0 contra Bermuda den Grupo B na Dame Flora Duffy National Sports Centre den Devonshire, Bermuda.
Leandro Bacuna a habri e score pa The Blue Wave cu un penal cobra den e 6’.
Juninho Bacuna a dobla e ventaha di Corsou den e 32’, ora cu el a tira un blast for di distancia.
Jordy Paulina a haci su debut internacional den moda espectacular, forzando un penal ora cu e goalkeeper a cay den area, y despues e mes a converti e penal den e 48’.
Sonya Hansen a agrega un otro gol den e 58’ cu un tap-in for di centro di e tereno.
Paulina a logra su brace den e 63’ ora cu el a reageer mas lihe riba un rebound di e keeper y a pone e cinco gol di anochi pa Corsou.
E ofensiva a sigui ora cu Ar’Jany Martha a splasha un free kick den e 82’, y Roshon van Eyjma a sorprende e keeper den e 90’+2’ cu un cañonazo for di distancsia.
Cu Jamaica y Trinidad y Tobago a keda empata na 1-1, Corsou a tuma liderazgo di e grupo cu un partido mas pa hunga.
Corsou lo bishita Jamaica diamars, faltando solamente un empate pa seya e clalificacion directo pa Copa Mundial.
Bermuda lo enfrenta Trinidad y Tobago, y ambos ta spera finalisa den un nota positivo.
Sorteo mundial di futbol: Hulanda contra Japon, Tunez y un otro campion di play-off cu ainda no ta conoci
WASHINGTON - Seleccion nacional di Hulanda lo hunga es prome verano na Mundial di futbol den grupo F contra Japon, Tunez y un pais Europeo cu mester ainda cualifica. E ultimo contrario ta sali for di play-offnan cu lo tuma lugar fin di maart entre Zweden, Polen, Ucraina y Albania.
Tur ekipo pa e temporada nobo di Formula 1 ta conoci: Solamente Tsunoda ta desaparece
AMSTERDAM – Tur ekipo pa e proximo temporada di careda di auto professional di Formula 1 pa 2026 ta completo. Entre esnan mas popular, tin Red Bull cu a anuncia e piloto pa nan dos teamnan di Formula 1 e siman aki. Cu Cadillac tin un team nobo ta drenta den e competencia, y pesey aña otro lo tin 22 auto riba e startgrid enbes di 20. Audi ta nobo tambe como suceso di Sauber.
Hadjar ta reemplaza Tsunoda como compañero di Verstappen den Red Bull Racing na 2026
BRUSELLAS - E conductor di auto di 21 aña Isack Hadjar lo bira den 2026 e compañero di Max Verstappen y lo reemplaza Yuki Tsunoda proximo temporada. Cu Verstappen lo ricibi un compañero nobo, tabata hopi cla ya. Tsunoda a wordo pasa riba for di Racing Bulls, e team ruman di Red Bull, den maart despues di dos carrera den e temporada actual. Pero como reemplazo di Liam Lawson cu no a logra, e japones tampoco no a logra haci hopi cos. E diferencia di punto entre Verstappen y Tsunoda ta realmente grandi: 396 contra 33. Un regreso di e japones na e team ruman awe no ta un opcion. Hadjar a haci un bon impresion den su temporada di debut na Racing Bulls. Aña pasa e la caba di dos den campeonato di Formula 2. Ey Hadjar tabata conoci como rapido pero tambe como un corredor hopi feroz y salbaje.
Menzo ta para como bondscoach di Surnam, mientras cu clasificacion pa mundial ainda ta posible
PARAMARIBO - Stanley Menzo a dicidi pa stop cu su tarea como bondscoach di Surnam, mientras cu su team ainda por cualifica pa copa mundial di futbol. “Despues di un evaluacion profundo di e periodo internacional pasa y despues di un combersacion cu nos general manager Brian Tevreden, mi a dicidi e siman aki pa laga mi funcion como trainer-coach di seleccion nacional di Surnam”, Menzo a bisa den un declaracion. E pais na maart mester hunga den e playoff intercontinental na Merca drenta na competencia contra Bolivia. Si e gana, ta warde un duel final contra Irak. Surnam a perde e oportunidad pa cualificacion directo pa copa mundial luna pasa cu un derrota di 3-1 contra Guatemala den e serie di cualificacion.
Fout di McLaren a pone su titulo di campeon mundial Formula 1 na peliger
QATAR - E lucha pa campeonato mundial di Formula 1 a haya un plottwist nobo na Qatar diadomingo. Max Verstappen a gana su septimo carrera di aña despues di un fout strategico grandi di McLaren y a acerca na lider di WK Lando Norris, cu a caba solamente na di cuater lugar, cu ta nifica un separacion di apenas diesdos punto entre nan dos pa e liderazgo.
Aruba su ex pitcher estelar di grandes ligas Calvin Maduro pidi pa bira pitching Coach te na Dubai
ORANJESTAD – For di Dubai, Noticiacla a haya e noticia cu e ex pitcher di Grandes Ligas di Aruba Calvin Maduro, a wordo busca pa fungi como pitching coach pa e ekipo Mumbai Cobras pa wak si por yuda e ekipo clasifica pa bay play off. Nan a logra e ekipo di medio Oriente y a clasifica pa e play off cu ta tuma lugar dia 12 di december proximo. Tito bn nochi ami ta Robert Tata di Calvin Maduro Tito sa cu ela wordu jama for di DUBAI pe bai juda como pitcher coach e team Mumbai pa por clasifica pa play of y awe nan a gana e team di middle east y a clasifica pa play of cu ta tuma lugar dia 12 december proximo.
Follow NoticiaCla
