E motibo pakico Alexandra van Huffelen ta bek na Aruba

ORANJESTAD — Presidente di directiva di Radboud Universiteit, Alexandra van Huffelen, pa nos, conoci como e ex secretario di estado pa asuntonan di Reino Hulandes,  ta bishita Aruba, Boneiro y Corsou pa atrae studiante nobo y fortifica e relacionnan academico. Durante e gira, e delegacion ta duna informacion na scolier y mayor tocante studiamento na Hulanda y preparacion pa un estudio exitoso na Nijmegen.

E bishita ta wordo financia parcialmente cu presupuesto pa reclutamento di studiante; universidad no a informa e costo total. Na Corsou, Van Huffelen ta trata tambe regreso di graduadonan y ampliacion di cooperacion cu Universiteit van Curaçao.