Cuida Aruba ta cambia strategia: no mas dia fiho di limpiesa

ORANJESTAD — Cuida Aruba ta introduci un sistema mas flexibel, caminda empresanan, scolnan y gruponan di boluntario por organisa limpiesa riba fecha cu ta cumbini nan. E organisacion a identifica 20 te 30 luga cu mester wordo limpia prome cu fin di aña. Pa fin di october no lo coloca container den barionan, pero ta considera haci esaki atrobe prome cu december, especialmente na San Nicolas. E enfoke nobo ta inclui mas educacion ambiental y participacion di comunidad, mientras cu maneho structural di sushi ta keda responsabilidad di Gobierno.