Opinion: Media Hulandes mester duna islanan mas atencion

ORANJESTAD — Den un articulo di opinion publica den Trouw, Gian Sakoetoe ta pidi media Hulandes pa duna atencion structural na e parti Caribense di Reino. Segun e, hopi Hulandes sa mas di politica di paisnan stranhero cu di nan propio Reino.

E ta señala cu Aruba, Corsou y Sint Maarten ta paisnan autonomo den Reino, mientras Bonaire, Saba y Sint Eustatius ta forma parti di Hulanda. Decisionnan di Den Haag tocante salario minimo y provisionnan social ta afecta directamente habitantenan di e tres islanan ultimo.

Sakoetoe ta considera cu cobertura mester inclui educacion, vivienda y seguridad economico, y no solamente corrupcion of crisis politico. E ta pidi mas voz pa habitantenan y control riba promesanan di politiconan Hulandes.