Formula 1: Ocon lo laga Haas despues di 2026; Rafael Câmara ta apunta pa ocupa e asiento na 2027

PARIS - Esteban Ocon lo laga e team di Formula 1 Haas despues di e temporada 2026. E escuderia Americano a confirma cu contrato di e piloto Frances no lo wordo renoba despues di dos aña di colaboracion.

Ocon, di 30 aña, a debuta den Formula 1 na 2016 y desde 2020 a core pa Renault, Alpine y posteriormente Haas. Su mayor exito a bin na 2021, ora e a gana Gran Premio di Hungria. Cu Haas, e no a logra subi podium ainda.

E temporada aki, Ocon a acumula solamente shete punto den 15 Grand Prix, mientras su compañero Oliver Bearman tin 20.

Segun varios medio, e asiento di Ocon lo wordo ocupa na 2027 pa e Brasilero Rafael Câmara, di 21 aña. Câmara a bira campeon di Formula 3 aña pasa y actualmente ta liderando Formula 2. Na augustus e la haci testnan cu Haas na Portugal, loke ta reforza expectativa cu e por bira e siguiente piloto di e team.

Ocon a aclara cu su salida di Haas no ta nifica final di su carrera den Formula 1 y cu e ta sigui motiva pa encontra su proximo oportunidad.