Despues di KLM, powerbank a causa problema awor abordo di Lufthansa

LYON — Poco despues cu KLM mester a interumpi un buelo pa Curaçao pasobra un powerbank a pega candela, un incidente similar a pasa awor abordo Lufthansa. Un Airbus A321 cu 198 pasahero a wordo desvia diasabra anochi pa Lyon, Francia, despues cu un powerbank di un pasahero a pega candela durante vuelo. Ningun hende a resulta herida.

E avion tabata bulando di Frankfurt pa Lisboa. Tripulacion di cabina a reacciona rapido y a logra controla e situacion, poniendo e bateria lithium-ion cu tabata na candela den un saco special resistente contra candela.

Como medida di precaucion, pilotonan a declara emergencia pa haya prioridad pa aterrisa na Francia. E avion a baha sin problema na Lyon. Pasaheronan y tripulacion a wordo acomoda den un hotel y a continua nan biahe pa Lisboa diadomingo.

Riesgonan relaciona cu powerbank ta haya cada biaha mas atencion den aviacion. Lufthansa tin reglanan mas stricto desde principio di e aña: no ta permiti usa ni carga powerbank abordo. Pasaheronan por carga maximo dos, pero nan mester keda den maleta di man.

E incidente di Lufthansa ta sigui poco despues di un caso similar na KLM, caminda un powerbank a pega candela durante un vuelo cu destinacion Corsou.