Seis aerolinea mas interesa den ruta entre Aruba y Venezuela

ORANJESTAD — Interes den e ruta aereo directo entre Aruba y Venezuela ta crece. Sector comercial y turistico di estado Falcón ta spera cu te seis aerolinea mas por incorpora gradualmente na e conexion entre Paraguaná y Aruba despues di su reactivacion oficial.

Segun Juan Gotopo, vicepresidente di Camara di Comercio y Turismo di La Vela de Coro, varios aerolinea ya a manifesta interes pa opera entre Aruba y Venezuela.

Ademas di Aeroparaguana, e companianan menciona ta La Venezolana, Laser, Turpial, Divi Divi, S-Air y Aruba Airlines.

Gotopo a indica cu e conexion directo cu Aruba ta ofrece habitantenan di Falcón un alternativa importante na viahe via Maiquetía of Colombia.

Aeropuerto Internacional Reina Beatrix tambe ta ofrece posibilidad amplio pa conexion pa Norte America, Centro America, Sur America y Europa, algo cu segun sector comercial por haci e ruta Aruba–Venezuela mas atractivo.

E expectativa ta cu mas aerolinea y mas frecuencia entre Aruba y Venezuela por fortalece intercambio comercial y turistico entre ambos pais y posiciona Paraguaná como un punto di conexion importante den Caribe.