Carnival Vista cu escala na Aruba ta elimina cierto beneficio Platinum

ORANJESTAD — Pasaheronan Platinum cu ta biaha riba Carnival Vista, cu tin Aruba den su itinerario di Caribe Sur, ta enfrenta un cambio temporal den varios beneficio di lealtad. Carnival Cruise Line a informa cu, pa e salida di 5 di september 2026, no lo ofrece priority embarkation y debarkation, acceso tempran na cabin ni entrega prioritario di maleta, debi na e cantidad grandi di huespednan Platinum riba e barco.

Carnival Vista a sali for di Port Canaveral pa un crucero di ocho anochi cu escala na Aruba, Corsou y Celebration Key. Pa huespednan Platinum, e cambio ta conta tambe durante e escalonan, incluyendo Aruba, unda nan no lo tin e shortcut habitual pa baha for di barco.

E medida no ta nifica cu e status Platinum a wordo cancela. E programa di lealtad ta sigui vigente, pero Carnival ta indica cu pa e biaha aki tin demasiado huesped cu e mesun nivel pa por garantisa tur beneficio normalmente ofrece.

Pa Aruba, e noticia ta relevante pasobra Carnival Vista ta un di e barconan cu ta trece miles di bishitante den Caribe, y e falta di priority debarkation por causa mas espera pa cierto pasaheronan cu tin tour of actividad reserva riba isla. E fuente ta recomenda pa huespednan cu tin un tour independientemente reserva na Aruba laga suficiente margen di tempo.