FreeZone Aruba ta logra di dos aña consecutivo cu ganashi despues di añanan di perdida

ORANJESTAD — FreeZone Aruba a cera 2025 cu un ganashi di casi mitar miyon florin, marcando e di dos aña consecutivo cu e compania estatal ta presenta un resultado positivo despues di un periodo largo di perdida.

Entrada total a pasa dos miyon florin, mientras gastonan operacional a baha considerablemente. E cuenta anual di 2025 a ricibi aprobacion di e accountant externo.

Na 2024 FreeZone Aruba a logra su prome ganashi despues di varios aña dificil. Cu e resultado positivo di 2025, e compania ta confirma e cambio di rumbo financiero. Segun Gobierno, e organizacion tabata anteriormente cerca di bancarota.

Tambe e atraso administrativo a wordo elimina. FreeZone Aruba tabata atraso cu aprobacion di su cuentanan anual, pero cu e cifranan di 2025 e compania ta completamente bij.

Durante e ultimo añanan, FreeZone Aruba a pasa door di un reorganisacion, incluyendo un Raad van Commissarissen nobo y nombramento di Walter Mosher como director na februari 2026.

E siguiente fase ta enfoca riba atrae mas inversion y companianan nobo pa e FreeZone. Gobierno ta indica cu varios compania ta den proceso pa establece nan operacion, aunke no a publica cuanto ni cua inversionnan ta envolvi.