Santa Filomena prome scol cu structura multi-deportivo nobo

ORANJESTAD – Colegio Santa Filomena a bira e prome scol na Aruba pa ricibi un structura multi-deportivo nobo pa basketball y futbol, como parti di un proyecto mas amplio di Ministerio di Educacion y Deporte.

E iniciativa ta wordo realisa hunto cu Lotto pa Deporte y otro partnernan, cu e meta di crea mas oportunidad pa actividad fisico y deporte den scolnan.

Minister Gerlien Croes a bisa cu e facilidadnan aki mester yuda muchanan move mas, descubri nan talento y desaroya nan potencial deportivo desde edad hoben.

Santa Filomena ta e prome di varios scolnan cu den e proximo periodo lo ricibi e mesun tipo di structura.