Coredor Hadjar ta perde GP di Zandvoort; Lawson ta reemplase

ZANDVOORT – Coredor di auto di careda di Red Bull Isack Hadjar no lo participa den Grand Prix di Zandvoort e fin di siman aki pa motibo di un lesion na su pols. E Frances di 21 aña lo wordo reemplasa pa Liam Lawson.

Lawson, cu actualmente ta core pa Racing Bulls, ta ocupa di nuebe luga den campeonato mundial. Aña pasa el a participa den dos careda pa Red Bull banda di Max Verstappen.

Hadjar a caba di tres na Zandvoort aña pasa, su prome podio den Formula 1. E temporada aki Red Bull ta pasando door di dificultad, cu Verstappen actualmente di seis y Hadjar di ocho den clasificacion.

Yuki Tsunoda lo reemplasa Lawson na Racing Bulls.