Zandvoort ta despedi di Formula 1 despues di seis aña

ZANDVOORT - Despues di cinco edicion desde su regreso riba calendario di Formula 1, Zandvoort ta prepara pa su ultimo Grand Prix di Hulanda na 2026. E circuito a bolbe na F1 despues di decenianan di ausencia y, apesar di un prome intento cancela pa pandemia na 2020, e regreso oficial a tuma luga na 2021.

E evento rapidamente a bira conoci pa su ambiente, transporte organisa cu trein y bicicleta y un experiencia completo pa fanatico. E famoso kombochtnan y e atmosfera color oranje a bira un ehempel pa diferente Grand Prix moderno.

Max Verstappen a gana tres edicion consecutivo entre 2021 y 2023, mientras Lando Norris a gana na 2024 y Oscar Piastri na 2025.

Durante e añanan, e organisacion a enfrenta problemanan cu rookfakkel, comportamiento indesea y posteriormente menos demanda pa ticket. Na final di 2024 a wordo anuncia cu e contrato lo sigui solamente te 2026, cu e organisacion kier “para riba e punto mas halto”.

E ultimo edicion lo inclui un sprintrace, cu punto di campeonato tanto diasabra como diadomingo.