Prome vuelo charter directo di Caracas ta yega Aruba

ORANJESTAD – Reapertura di frontera aereo entre Aruba y Venezuela ta habri caminda no solamente pa vuelonan comercial, sino tambe pa vuelo priva y charter entre ambos pais.

Como parti di e reapertura, Aruba a prepara pa ricibi e prome vuelo charter directo for di Caracas na General Aviation. Representantenan, incluyendo e capitan y gerente di e compania, a participa den e momento, cu ta marca un paso importante den recuperacion di conectividad aereo entre Aruba y Venezuela.

Segun e informacion comparti, diferente compania aereo ta preparando pa opera entre ambos destinacion. A menciona Viva Air, mientras Aruba Airlines y Aerotropical tambe ta den preparacion pa conexionnan cu Venezuela.

E expectativa ta cu reapertura gradualmente lo crea oportunidad tanto pa vuelonan charter como pa un servicio comercial mas structura entre Aruba y Venezuela. Potret cortesia 24ora.com