NCL lo bishita Aruba den ruta especial na 2028

ORANJESTAD – Aruba ta inclui den programa di zomer 2028 di Norwegian Cruise Line (NCL), cu lo conta cu mas di 450 crucero na casi 150 destinacion den 51 pais.

Den mei 2028, Norwegian Luna lo realisa un biahe especial di 10 dia for di Miami pa New York, cu escala na Aruba, Curaçao y San Juan. E ruta ta forma parti di e expansion grandi cu NCL ta prepara pa 2028.

NCL ta pone mas enfasis riba tempo cu pasaheronan ta pasa den destinacion. Segun e compania, barconan lo pasa alrededor di 80% di cada biahe den puerto, cu bishitanan cu generalmente lo dura mas di 10 ora.

E programa completo di verano 2028 ta inclui 20 barco, 25 puerto di salida y itinerarionan di 3 pa 14 dia na Caribe, Europa, Alaska, Bermuda, Bahamas y Pacifico Sur.

Pa Aruba, inclusion den e ruta di Norwegian Luna ta significa un otro bishita di un barco importante di NCL como parti di un itinerario cu ta conecta Miami cu New York via Caribe.