Instituto policial casi renoba; mas fase y expansion ta sigui

SAN NICOLAS - E prome fase di renovacion di Politie Opleidinginstituut Edgar Joaquin (Watty) Vos ta casi completa. E inversion mester crea un ambiente mas moderno y funcional pa formacion di futuro polisnan di Aruba.

Minister Arthur Dowers ta reconoce cu e instituto, mescos cu otro edificionan di Husticia, a sufri durante añanan di falta di mantencion y inversion suficiente. Pa evita cu e problema repeti, Gobierno kier combina renovacion cu un plan continuo di mantencion preventivo.

Despues di e prome fase, e proyecto ta contempla mas fase y eventualmente expansion di e facilidadnan. Meta ta pa proteha inversion publico y crea condicionnan adecuado pa forma polisnan cu lo sirbi comunidad di Aruba.