Temblor fuerte di 7,4 ta sacudi Colombia; heridonan raporta na Choco

BOGOTA – Un temblor fuerte di magnitud 7,4 a sacudi Colombia   dialuna  mainta 10 di augustus. Segun Servicio Geologico Colombiano (SGC), e epicentro tabata cerca di San Jose del Palmar, den departamento di Choco.

E temblor a registra pa 7:34 di mainta, na un profundidad di 96 kilometer. E movimiento fuerte a sinti den diferente parti di Colombia, incluyendo Bogota, Medellin, Eje Cafetero, Tolima, Huila, Valle del Cauca y Manizales. Na varios lugar hende a evacua edificio como medida di precaucion.

Gobernadora di Choco, Nubia Carolina Cordoba, a informa cu tin varios herido na e departamento y daño serio na edificio na Quibdo. Autoridadnan a cuminsa evalua e dañonan.

Pa 8:18 di mainta, un replica di magnitud 4,8 a registra nuevamente cerca di San Jose del Palmar.

Autoridadnan Colombiano ta sigui evalua e situacion y a pidi poblacion pa mantene calma y sigui solamente informacion oficial, mientras preocupacion ta keda pa posible otro replica.