Encuesta di noticiacla: Con pueblo ta evalua e rumbo actual di Aruba?

ORANJESTAD – Con pueblo di Aruba ta mira situacion politico actual? Cuanto satisfaccion pueblo tin cu Gobierno, con oposicion ta wordo evalua y, si eleccion parlamentario tuma lugar awe, con e intencion di voto lo ta?

Pa haya un bista mas cla di opinion publico, Noticiacla ta lansa su Encuesta Politico di Aruba, un encuesta cu ta enfoca riba e percepcion di e ciudadano tocante rumbo politico di nos pais.

E encuesta ta midi, entre otro, con e participante ta evalua Gobierno actual y oposicion, cua problemanan nan ta considera mas importante, cuanto confianza nan tin den direccion politico actual y con intencion di voto ta compara cu e ultimo eleccion.

Un parti importante ta precisamente pa mira si e preferencia politico a cambia. Door di compara voto anterior cu intencion di voto actual, por haya un indicacion di unda e sosten politico ta keda firme y unda posiblemente tin movimEento entre partidonan of aumento di votante indeciso.

Participacion ta completamente anonimo. E encuesta no ta pidi nomber y e resultadonan lo wordo procesa como grupo, no individualmente.

Yena e encuesta ta dura aproximadamente 4 minuut.

E meta no ta pa influencia bo opinion politico, sino pa midi: Kico pueblo ta pensa di situacion politico actual di Aruba, Gobierno, oposicion y futuro politico di pais?

Pa participa den Encuesta Politico di Aruba, click AKI y laga bo opinion conta.