Infantino ta pidi disculpa, y FIFA ta mantene su como presidente

ZURICH – Gianni Infantino lo sigui como presidente di FIFA despues cu e la haya respaldo durante un reunion di emergencia na Rabat, Marruecos. E reunion a wordo convoca despues di critica fuerte riba su plan pa bende accionnan relaciona cu Mundial FIFA.

Apesar di critica cu tabata bin tambe for di aden di FIFA, e directivanan a confirma nan apoyo pa Infantino.

FIFA tambe a manda un carta di disculpa na e 211 federacionnan miembro pa erornan den e plan di inversion. Den e carta, e organizacion ta compromete cu mesun situacion no lo bolbe pasa, pero ta enfatisa tambe cu atakenan contra integridad di FIFA no lo wordo acepta.

Federacion Hulandes di Futbol (KNVB), sinembargo, a declara cu e disculpanan no ta cambia nan posicion. KNVB lo discuti e carta hunto cu UEFA y otro federacionnan europeo, pero ta mantene su critica riba e liderazgo di Infantino.