Circuit Zandvoort ta cambia di propietario despues di benta

ZANDVOORT – E circuito hulandes di Formula 1, Circuit Zandvoort, lo cambia di propietario despues cu Prins Bernhard di Oranje a dicidi di bende tur su interesnan comercial.

Segun su vocero, Bernhard lo bende tur su inversionnan, incluyendo su participacion den Circuit Zandvoort, Media Park na Hilversum, compania di tecnologia Levi9 y diferente portafolio di real estate. Tur e activonan lo pasa na man di su socio comercialnan Menno de Jong y Coen Groeneveld.

Cu e benta aki tambe ta caba su participacion den Circuit Zandvoort, cu e la cumpra na 2016. Bernhard tabata uno di e personanan clave cu a yuda trece Formula 1 bek na Hulanda despues di varios aña di ausencia.

Na 2026 lo tene e ultimo edicion di Dutch Grand Prix na Zandvoort. Bernhard a declara cu e mision a wordo cumpli.

"Nos a trece Formula 1 bek na Hulanda y pa seis edicion Zandvoort a bria riba e scenario mundial. No por ta mas bunita cu esey, y hustamente e ora ey bo mester tin curashi pa tuma un decision," el a bisa.