Hopi municipio na Hulanda ta prohibi tur vuurwerk

DEN HAAG – Un minimo di un cuarto di e municipionan na Hulanda no kier permiti ningun tipo di vuurwerk durante e proximo cambio di aña. Aunke e ley nobo ta permiti clubnan y fundacionnan solicita un permiso especial, hopi municipio ta bisa cu nan no lo otorg'e.

Segun e municipionan, no tin suficiente tempo pa procesa peticionnan y tampoco tin suficiente personal pa controla cumplimiento durante e anochi di Aña Nobo. Te awor, casi ningun peticion oficial a wordo presenta.

Varios region, incluyendo Zeeland, Rotterdam-Rijnmond, Amsterdam, Delft y diferente municipio na Limburg, ya a confirma cu nan no lo concede excepcionnan.