Rapport UNA: Aruba mester dicidi entre mas autonomia of mas integracion cu Europa

ORANJESTAD – E pregunta mas importante den e debate riba e futuro relacion entre Aruba y Union Europeo traha pa Universidad di Corsou, no ta solamente financiero, pero tambe politico.

Segun e rapport nobo encarga door di gobierno hulandes, e decision entre keda cu e actual status di LGO of cambia pa UPG ta bira un decision strategico tocante e direccion cu Aruba kier tuma den futuro.

E investigacion ta indica cu un status di UPG ta nifica cu Aruba lo integra mucho mas den sistema legal di Union Europeo. Esaki por trece mas oportunidad economico y acceso na otro instrumento europeo, pero tambe ta reduci flexibilidad local paso mas ley europeo lo bira obligatorio.

Di otro banda, keda cu e actual status di LGO ta conserva mas autonomia pa Aruba determina su propio desaroyo economico, social y cultural, y pa mantene mas libertad den su relacionnan cu otro paisnan.

E informe ta conclui cu e decision final no por basa solamente riba placa, pero mester tuma na cuenta interes di e pueblo, capacidad di gobierno y e vision di largo plazo pa Aruba. Lesa e rapport completo AKI.