Gobierno ta instala 4 Fish Aggregating Devices nobo pa yuda piscadonan

ORANJESTAD – Gobierno di Aruba a instala cuater Fish Aggregating Devices (FAD’s) nobo den awanan territorial pa fortalece e sector di pesca y haci trabou riba lama mas sigur pa piscadonan local. E FAD’s, cu ta atrae pisca mas cerca di costa, lo yuda reduci e necesidad pa sali den awanan mas peligroso of stranhero. E FAD’s a wordo coloca na Zeewijk, Sero Colorado, Juana Morto y Druif, despues di consulta cu e comunidad di piscado. Minister Wendrick Cicilia a declara cu Gobierno ta comprometi pa sigui inverti den seguridad y bienestar di piscadonan, y a indica cu e proyecto ta forma parti di un plan pa modernisa y haci e sector di pesca mas sostenibel. E inversion ta wordo sosteni cu recurso di turismo, cu apoyo di Aruba Tourism Authority (ATA).